#ParentLicenses0785

我屋企有3姊妹，1個細佬，而我排第二。我老豆做裝修，返大陸娶咗我媽，之後申請我哋嚟香港，我係新移民

簡單地講，老豆係一個自大、自卑、鍾意賭錢、包二奶嘅仆街。由細到大都好撚鍾意打細路，尤其係打我，我俾佢打到大。嚟到香港識反抗，成日家嘈屋閉，即使報警、有社工跟進都無用

我老母乜都唔理，喺我哋面前就鬧老豆對佢幾差；喺老豆面前就話啲仔女好憎佢

我老豆好憎我，成日話要扔我返大陸，扔晒我嘅證件唔俾返香港，但係夜晚又會上我張床摸我。我同老母、家姐、老師講，但無人信我

出出入入女童宿舍好多次、好多年，到咗我18歲，社工幫我申請公屋，我要住成人宿舍。離開屋企之前，我老母俾咗$500我，話同我無拖無欠。我收咗，十年過去，之後無再見過我老母

呢十年，佢返咗教會，可能真係知衰掛，搵過我好多次，但係我都無理佢。因為我好努力讀書、搵錢，我應該係咁多兄弟姊妹中收入最高果個，唔知佢目的係咪想問我攞錢啦～

Anyway，我點都唔會原諒佢，但係我唔會花精神力氣去憎佢。我覺得對佢最大嘅報復係：我活得好好

讀者投稿@ST