#ParentLicenses2269

暑假帶兩個大啲嘅小朋友去睇《元素大都會》。妹妹只有兩歲重未識睇，就算入去都係瞓覺，所以只係買咗兩個小童一個大人位置，連位買E12、13、14

我哋遲咗五分鐘入到戲院，當時都仍然係黑屏，直到我哋行到我哋嘅位置，戲院剛剛開始做廣告

然後發現我哋嘅位置被兩個小朋友一個媽咪坐咗，我哋就咁企喺旁邊等佢讓返個位置俾我哋。成個戲院嘅人望住我哋企喺度，就係等佢讓返三個位出嚟

嗰位媽媽都有起身講「唔好意思sorry」，跟住搬返佢兩位仔女去旁邊位置。其中一個女小朋友就扭計話：「點解要換位？！」

係咪個老母有講「唔好意思sorry」就叫有禮貌？係咪有讓返個位俾我就唔好咁計較？呢啲係乜嘢身教？冇你想坐嘅位咪唔好買飛囉，買咩位就坐返咩位啦！係咪冇人買嘅位就可以隨便坐？無傷大雅？咁點解戲院要揀位買飛？先到先得咪得囉！

嗰位媽媽係明知自己嘅位置唔係呢一度都坐咗，而我已經唔係第一次喺戲院遇到呢啲事情，喺之前愉景新城Candy Park睇多啦A夢都試過，當時又係老母帶住仔女坐咗我哋個位

事後個老母帶住兩個仔女轉咗去旁邊位置，跟住唔知係咪嫌旁邊太側，然後又轉咗去第三個陣營度坐。其實跟返自己買嘅位座真係咁難咩？冇你想坐嘅位咪唔好睇囉！係咪要搞到戲院職員入嚟逐個檢查有冇坐啱位先識守規矩？

點解咁柒嘅嘢都做得出？真係唔好賴新香港人，係咪香港老母都重睇得出嘅

圖片來源@Mike Chan
讀者投稿@Mike Chan