#ParentLicenses2221

睇到有家長分享有關孩子要留級的情況，有些感觸，皆因我自己也是過來人

回憶以前中四時期，學校曾要求我留級，但家長反對。結果中五時開始追不上程度，會考當然不理想。最後用多兩年時間半工讀夜校，我先可以繼續升學

十幾年後，雖然而家都不錯，但我間中都會諗返如果當年留級的話，結果會唔會更好

的確，我唔知留級嘅準則係點樣釐定，喺以前初中年代，我哋都會覺得「留級」只係一個懲罰，但而家反而覺得係一個「機會」。究竟係把握定係扼殺呢個機會，真係父母一念之間

尤其係自以為了解自己孩子能力嘅父母，往往就係局限孩子發展可能性最深嘅原兇。覺得孩子讀書不成別浪費一年時間？往後人生幾十年，又何必介懷浪費一年當買一個機會呢

而呢位家長，佢唔想孩子留級而同校方反映，惟校方開會後維持留級決定。家長質疑係校方機制有問題，理據係有學生比佢孩子成績差、操行差嘅都可以升學，但佢女兒反倒要留級

老實說，若果我是老師，我都選擇俾機會有潛力嘅學生提升，而唔係安排無心向學嘅人留級吧。可惜，似乎係家長看不通，追不上程度卻硬要她升學，壓力不會更大嗎？給予多一年時間，給孩子一個機會，又真的很難嗎？

讀者投稿@路過天水圍群組的過來人