![](https://i0.wp.com/backup.parentlicenses.hk/wp-content/uploads/2023/06/2194.png?resize=740%2C740&ssl=1)
#ParentLicenses2194
話說喺某日約咗我仔班同學仔一齊去playhouse玩,成班𡃁仔四五歲一齊玩,諗住我呢個老母就唔使跟到貼,打算遠距離望住佢而已,點知就出少少事
當時喺彈床設施有我、我仔同一位同學仔,佢哋玩得好開心,跳、跳、跳,而我就揸住電話影住佢哋
因為彈床嘅設計喺L型,當我喺轉彎位時,就咁啱影唔到佢哋,而同時就有個女人抱住個BB話:「一人一格㗎嘛,重跳埋嚟!」
當時我唔知發生咩事,在場無職員話彈床係要一人一格咁玩,而且亦無告示寫住係一人一格
正於我哋離開之時,嗰個女人就講咗句:「真好意思!」
不過我完全無理佢,而且我要澄清返我呢個老母無坐到老遠掛住玩電話囉!
我都好明白仔女永遠喺各媽媽心中都係寶貝,所以你係咁驚嘅,一係無謂慳嗰少少錢,直情包場玩,一係你就買張私家彈床返去慢慢跳啦!
事後同我仔了解返件事,佢話:「大大力跳先興奮!」
讀者投稿@大大力跳先興奮