#ParentLicenses1429

我擔心住我樓上嘅人對腳有冇事

依幾個月差唔多日日都聽到樓上天花板發出呯呯咚咚嘅噪音，類似喺地下狂跳所發出嘅聲，每次都維持幾個字

每一日嘅噪音係不論早午晚——
朝早8點，聽到；
下午我小朋友做功課時，又聽到；
到夜晚10點幾，仲聽到
……真係勁煩擾！

兩星期前，我真係忍唔住，就叫我先生上去樓上單位反映問題

我先生上到去見到兩個小朋友，大概8歲女和5歲男，喺屋企踢緊波嘅物體

我先生同屋入面個阿姐講（應該係長老），個阿姐仲抵賴：「夜晚10點幾瞓咗啦！」

然後當晚係暫時收咗聲，但過後情況依然，接住落嚟嗰兩個星期天花板一樣不停呯呯呯

我今日忍唔住再走上去撳佢鐘問：「你可唔可以叫你小朋友唔好再跳，好嘈，影響住樓下嘅我」

個阿姐竟然睜大隻屎眼話：「佢小朋友嚟，點樣叫佢唔好跳呀？我冇辦法呀，有咩同房屋署講啦！ 」

「得啦得啦」屋裡有個中年男人行出嚟，懶懶閒咁講，但然後一句「對唔住」都冇就閂埋門

你小朋友跳同玩唔係問題，只係可唔可以買返張地毯俾佢跳同玩？

其實我都係為人父母，教小朋友唔好喺屋企跳，因為會嘈住樓下是常識吧？

又自私又冇家教，影響到人仲表現出事不關己嘅態度，你哋知唔知醜呢？

圖片來源@唐白虎點秋香
讀者投稿@樓下鄰居Y