![](https://i0.wp.com/backup.parentlicenses.hk/wp-content/uploads/2023/03/2096.png?resize=740%2C740&ssl=1)
#ParentLicenses2096
事源尋日同老婆一家人食完飯,因為老婆有咗BB,費事啱啱食飽就坐車,所以就喺附近商場行下先
我哋就行咗入一間超市,諗住睇下有乜嘢買,順便當散下步
呢個時間都好多一家大細行緊商場,所以我哋都有特別小心啲,但點知行到去一個角落位嘅時候,有兩個小朋友推住架手推車衝過嚟。因為當時我哋喺角落位,加上又發生得太突然,我哋根本避唔切,嗰刻我只係可以盡量保護住我老婆
好彩嗰刻有個店員扯得住架車,先冇撞到我哋。個店員好好人,佢即刻叫其他店員過嚟幫手,其他店員都即刻嚟搵張櫈嚟俾我老婆坐
店員盡職地問:「使唔使call救護車?」
我老婆就話:「唔需要,只係嗰一刻真係俾佢哋嚇親」
未幾,我老婆坐咗一陣就冇事可以走得,佢哋又問我哋要唔要坐的士,可以幫手截車先。因為其實我有揸車,我就拒絕咗好意,但啲店員都話叫我揸架車出商場門口先,到時佢哋陪我老婆過去,等佢唔需要行咁耐
然而,喺走嗰陣,見到啲店員搵咗嗰兩個小朋友嘅家長,應該係同佢哋講返成件事,又有叫佢哋小心啲云云,但兩個家長剩係句句話要投訴啲店員
惟好可惜嘅係喺走嗰陣我哋冇好好唔該啲店員,如果你哋見到呢個post的話,我真係好多謝你哋咁好人,就著呢件事我都會email返俾你哋公司嘅CS,唔希望你哋因為咁而收到投訴
讀者投稿@驚唔識做人老豆