#ParentLicenses2023

話說今日黃昏時段同個仔去九龍公園遊樂場一齊玩，頭十幾分鐘我哋都玩得好開心，直至仔仔走去玩其中一條滑梯……

當時突然有兩位小妹妹走過嚟叫我：「你哋要小心條滑梯同附近嘅位置啊」

我問佢哋原因，佢哋話：「啱啱有個小朋友喺嗰個位置換片，嗰位媽媽換片嗰吓唔小心掉咗好多糞便喺度」

由於當時已天黑所以起初玩嗰下無為意，聽完佢哋講之後我就心知不妙

我望一望下面，成個地下都令立立，我即刻check吓個仔有無掂到，點知我哋鞋底中晒蕉，我仔成套白色衫後面都係「黃金」，要即刻去附近商場處理

其實係咩地方換片唔重要，我都係媽媽，明白有時情況唔許可下令到你要喺公眾地方換片，no problem！換片可能會控制唔到，唔小心整污糟地方，it’s okay！但你可唔可以將心比心，有返啲公德心呢？換完片之後，可以抹返乾淨，即使唔係deep clean都無問題，至少唔係成灘留喺度啦！

自己身為家長都唔為其他小朋友設想完全不可理喻！如果你見到呢篇文章，僅僅想提醒你一句：身教重於言教

你今日摧毀咗我同我仔仔嘅活動，好自為之！

讀者投稿@匿名