![](https://i0.wp.com/backup.parentlicenses.hk/wp-content/uploads/2022/11/2002.png?resize=740%2C740&ssl=1)
#ParentLicenses2002
而家嘅家長好恐怖
早幾個月,兒子小一接近尾聲,喺群內收到一堆信息
媽媽一:「你仔仔用鉸剪拮我仔仔塊面!好危險㗎!」
媽媽二:「佢喺廁所打人,已經唔係第一次!」
媽媽三:「佢成日做埋啲損害他人身體嘅嘢,我哋做家長好心痛啊!」
媽媽四:「咪係囉!每個小朋友都係家長心頭肉,成日咁蝦我哋小朋友,好過份囉!」
媽媽五:「我都唔怕講埋,你仔仔騷擾我個女,我個女覺得好唔舒服!叫你仔仔控制下!」
乜我個仔咁恐怖咩?為咗證實佢有無做過,我致電給老師查問。隔兩日後老師終止回電並且解釋事情
事件一
上堂不得離坐,仔仔係坐自己位用鉸剪並望住同學微笑(類似打招呼),同學誤會意思而向其家長投訴
事件二
佢喺廁所唔係打人,其實係同人打架!老師都見到過程,原來因為對方唔排隊,我阿仔捉住人哋隻手叫人排隊,人哋唔肯排重還手。其後對方只講我仔仔打人,無講過自己都有份打
事件五
關於阿仔騷擾女同學,當時情景係坐緊校車,我阿仔望住某女同學,但就因為該女同學唔鐘意俾仔仔望,遂一拳打落仔仔心口
其後該女同學只講「望住就係騷擾」,但無講打落我仔仔度
我問返仔仔:「做咩唔話我知?」
仔仔話:「因為人喺係女仔」
班家長知道後完全無諗過道歉
我問老師:「點解成日誤會阿仔?」
老師話:「因為阿仔喺班印象較深(活躍),所以全班同學都記得佢!」
到今年小二,早排收到某家長來電,係爸爸媽媽一齊打嚟投訴阿仔喺上課嘅時候做咗某啲行為
一
用鉸剪剪傷女同學嘅手
二
把女同學手指放落鉛筆刨度刨
三
偷女同學錢買嘢食
四
推女同學落樓梯
本身個女仔都周身傷,早兩日我就著投訴內容打去學校搵社工傾
主任打電話俾我話原來所有事情都係女同學自己一個做,完全唔關呀仔事,咁即係屈佢做啦!
至於點解要屈阿仔,原因係女同學唔想俾其家長鬧,而又咁啱個女同學只記得阿仔名,所以隨口話係佢做!
我問返阿仔,佢話唔係老師捉佢哋兩個問佢都唔知咩事,而且阿仔重要同佢唔熟
事情雖然叫做解決咗,但對方家長無諗過道歉,直至我WhatsApp返佢了解,佢先講:「唔好意思,誤會咗」
我再好心提佢關心自己女兒,(我心諗)因為自殘心理一定有點問題,然而佢睬都唔睬我
我明白做家長會錫自己仔女係無錯,但可唔可以理性少少呢?
讀者投稿@家長X