#ParentLicenses1973

某個假日去咗大嶼山水口泥灘玩

有個目測6, 7歲細路女自己黐咗另一個家庭玩（唔相識嘅陌生人嚟），已經玩咗個幾鐘，但佢父母完全冇過嚟睇過佢點

直至到嗰個家庭開始擔心，就問個細路女：「你屋企人喺邊？」

唔知個細路女真係見唔到，定係想繼續玩，就話：「我見唔到我父母」

之後我係泥灘上大嗌：「有冇人返嚟接個細路女？」「有冇人唔見咗個細路女？」

但持續都冇人理，我哋唯有咪報警。報到一半，個細路女話終於見到個爸爸

個爸爸拖住個細佬，老遠咁慢慢行過嚟

我同個阿爸講：「你唔可以放低個細路女俾陌生人睇個幾鐘都唔理」

不過正確嚟講，個阿爸都冇交低個女俾陌生人先至自己行開，一開始係得個細路女走去黐人哋玩

個阿爸話：「我喺附近，有時不時望過嚟睇下個女嘅情況」

吓？如果你有咁做，我大嗌時你一早返咗嚟啦！

啲父母真係好唔負責任囉，如果個細路女跌親咁入個陌生家庭數？如果有衰人抱走佢個女，睇下佢父母又追唔追到？

圖片來源@創世紀
讀者投稿@ABC