#ParentLicenses1950

商場有時有啲活動咪可以儲印仔嘅，成日去親都見到啲細路喺度「玩」個印仔

「玩」印仔嘅例子，例如：扱到成張枱周圍都係、連續超大力扱個印（即係一嘢撳落去，甚至見過連大人都係咁🤦🏻‍♂️，不過就一兩下，唔算玩，係粗暴啲啫，但每個人都咁大力扱，個印又好快爛🥲）

不過通常遇到嘅細路見一有人行埋去都叫識得讓人扱，等人走咗又再玩過，或者自行收斂唔再玩，又或者由父母叫走

然而今次見呢個真係勁到爆🙄

通常扱印呢啲活動，一係無紙要自備；一係就用活動紙，要問工作人員攞先有一張；一係有時就擺隔離，讓人客自律攞（呢啲好多時會俾人拎晒去玩，扱到亂晒就就咁揼喺度）

第3類嗰種，平時眼見都係啲細路自己拎嚟玩，而呢次係一本簿，係個場本來就有嘅，我諗係俾人一時無帶紙時，人客扱完可以搣走留念（就好似試筆個本嘢咁，白紙嚟）

本身本簿冚埋咗，係有一個老母打返開俾佢哋小朋友喺度玩。佢係睇到佢哋喺度玩（玩咗幾頁紙），就竟然放心喇，就自己大安旨意同朋友行咗去，任由啲細路喺度

我真係唔明，乜原來呢啲係玩具，係拎嚟玩嘅嘢咩，而唔係留念印仔咩？見到啲印仔俾人咁對待法，真係好心痛💔

圖片來源@百變星君
讀者投稿@印仔破壞王