#ParentLicenses1941

話說於星期五（9月2日），我一拖二帶咗兩位5歲嘅小朋友去迪士尼睇煙花。當時我自己跟兩位小朋友加我細妹連同佢4歲嘅小朋友早一個多小時便到小火車的車站位霸位

我哋到達時，見一早已有人霸了中間位，於是我哋就喺中間偏右嘅位置舖墊，而墊後就放BB車。我哋嘅左手邊重有一個後生女，所有就再隔開少少先放墊，大概相隔一隻小朋友鞋嘅距離

到咗放煙花前半小時左右，有一個外型似胖妹（即技安妹妹，純形容，不是歧視，請別誤會）樣子嘅小學生除咗口罩，飲住汽水，行前到我妺BB車嘅隔離。我同那個後生女都望住佢

外型似胖妹嘅佢就好似進擊的巨人，愈行就愈前！佢老母老豆完全冇出聲，而且重攝咗喺我妹隔離（我妹左邊隔離又有另一對後生女）

本來我哋隔開少少，依家就變成人貼人。場內廣播重話保持適當社交距離，佢都重咁勇攝過來，而且唔戴口罩

攝下攝下，胖妹重霸咗較中間嘅位置。後生女用好嬲嘅眼神望住佢，然後再望住我

冤枉呀！！！我唔識佢㗎！！！

我忍咗好耐，始終都忍唔住講：「小朋友，我哋一早嚟呢度霸位，呢個係我哋㗎，麻煩你行返後啲」胖妺先向後行一步，但依然喺我哋後少少，BB車隔離

嘩！老豆老母完全唔覺自己有問題，對歉都冇句。聽到老母仲鬧老豆：「叫咗你早啲嚟霸位啦！」

最後老豆老母迫到我妹企開咗！真係厚顏無恥嘅一家！

我好想同老母講：「你想睇就早啲嚟霸位啦！唔好鬧你老公。重有管好你個女！生仔要考牌呀！」

同小朋友講：「除咗罩，就唔好行埋人度播毒。唔好做攝石人，好無家教同禮貌」

同老豆講：「真係辛苦晒，一打二」

大家有冇建議？唔通下次要人貼人、要痴埋啲？謝謝各位！

影片來源@九品芝麻官
讀者投稿@想睇就早D嚟霸位的靜儀