#ParentLicenses1935

我好想籍此文懷念我爸爸，同埋俾大家一個機會反思人生

我與爸爸關係不過不失，由細到大，只見爸爸勞碌工作，為口奔馳而早出晚歸，所以甚少傾談，更莫論與爸爸交心

日子久了，我哋都長大出身，而爸爸終於放慢腳步，唔再需要辛苦工作

可惜過往太少同爸爸溝通，疏於了解大家，即使爸爸留在家中時間多了，彼此仍好像有隔閡般，無法打開話題，同住都可以無言

到我哋子女成家，搬離屋企，見面時間更少。偶然回家探望，都感到爸爸又老了

近日爸爸因病入院，終於嘗試拖爸爸嘅手，嘗試講出心底話，爸爸最後的路，有我們陪住他走

或者你會覺得：「幸好臨終前，可講出大家心裏積累以久嘅說話」

但對我來說，我很自責，愛得太遲，因為一翻開爸爸電話記錄，全都是廣告電話的來電，反而做仔女的，一個電話紀錄都找不到

過往工作忙、拍拖，或後期婚後要照顧小朋友，又以疫情為由，疏忽對自己父母的關心，簡單一個來電慰問都做不到。大家又可能會覺得：「父母知你忙，會體諒的」

但回想返起，會唔會自己太自私，忘記自己父母心靈上需要？

做父母要考牌，做仔女都要反思，對上一代都要考牌。請大家回想最近一次致電父母係幾時？當你照顧自己仔女，拖住他們的手時，你又回想一下，除年幼時，主動拖或擁抱自己父母係幾時？

莫等待最後拖住父母冰冷的手陪佢行最後一段路，切勿愛得太遲

讀者投稿@妹子