#ParentLicenses1804

自從校車開咗個WhatsApp群組，成班CLS家長日日喺個群組話自己遲少少，唔該等埋佢，唔講以為嗰個係「秘書台」！

前幾日，同一個站有兩個家長一齊遲到，冇通知校車姨姨，校車姨姨等咗一陣就走咗

家長就喺WhatsApp群組問：「校車係咪走咗？」

其實校車公司有send過上車時間表俾大家，家長問嗰陣已經係時間表後接近20分鐘時間

家長問嗰一刻，校車姨姨冇即時覆佢，佢就連珠發炮咁樣鬧人。主要係鬧人哋校車走做咩唔通知佢，講到大義懍然咁樣唔會阻住其他人返學，仲聲稱自己已經等咗半個鐘

校車公司間接踢爆佢，佢根本等咗冇半個鐘，人哋講晒幾點離開個站，根本已經遲過佢個時間表一段時間

然而，校車姨姨已經唔知做咩事要同呢個西客道歉，但係佢仍然繼續鬧人，真心CLS

我有以下愚見：

一、按時上車係你基本責任，自己遲到應該先檢討自己，以身作則。要成車人等你，你都樣衰啦！

二、校車姨姨工作職責係喺校車內睇住小朋友，如果電話不離手，要服侍呢班大帝，點樣可以全心全意照顧到小朋友？

三、我細個搭校車返學，講到明見人就上車，唔見就走。以前年代嘅家長，如果校車走咗，都唔會夠膽去鬧校車公司唔等佢

四、校車公司都有唔啱，其實一開始校車就唔應該有WhatsApp群組，後果就係縱咗班尊貴客戶出嚟

我已經分唔清楚佢哋係生仔未考牌定係西客喇

讀者投稿@個仔等到唔耐煩