#ParentLicenses1712

之前我老母執屋係咁揼嘢，我就一早講到明：「細佬啲書本作業唔好搞」

讀過書都知要留返啲書本作業嚟溫習丫嘛

老母：「留喺度又係得嗰擺字」

再下刪三千字鬧我留住啲書，其實我更多係覺得老豆老母嗰期輸錢輸得多，就認為「書」唔吉利，所以想揼佢啲書

揼五年級嘅書就話無用啫，但先斬後奏掉咗六年級嘅書同作業又係乜嘢操作？？？

我即刻興到話：「冇嘢呀？仲讀緊六年級就揼晒六年級上學期嘅嘢？咁佢年尾考試點啊？」

老母：「上學期成績表都派咗，咁即係冇用啦」

然後兩公婆就一人一句鬧我做乜黑口黑面

嗱，而家知道大獲啦，要交正本功課同上學期嘅考試卷計分㗎喎，不過全部揼晒喎，點算呢？

咪就係「同心合力」地鬧我唔一早講囉！

我：「Hello？？？」

讀者投稿@點做都係錯