![](https://i0.wp.com/backup.parentlicenses.hk/wp-content/uploads/2022/04/2D332D39-908E-4B87-9B3E-7AE9DFCEABF0.png?resize=740%2C740&ssl=1)
#ParentLicenses1709
復活節長假期行山就預咗多人,但估唔到而家啲人低質成咁!
喺一條窄到只夠兩個人一邊上一邊落兼肩擦肩嘅山路,事關條路實在太窄,我拖住隻狗上山,我行前,狗跟後面
迎面落山方向就企咗一個老女人加一對大概三十幾歲嘅男女喺度影松鼠
我都急急腳行廢事阻到人,點知其中嗰個目測有成二百磅嘅男人,掛住望住部手機又想追隻松鼠,望都唔望清楚有無人,一嘢衝咗嚟我哋呢邊上山嘅方向
男人一撞完我,我已經大聲叫:「睇住!睇住!」
佢都係聾撚咗咁,撞完我再撞埋我隻狗,俾我條狗繩卡住行唔到先識停
條仆街sorry都無句,我都只係晦氣咁講咗句:「咪掛住影相啦!好心睇路啦」
DKLM!嗰一男一女厚面皮到鬧返我轉頭:「條路係咪你條私家路唔俾得人行?拖住隻狗行係咪大晒?」
我屌返佢:「條路緊係唔係我,但唔等於你可以一嘢撞埋嚟我同隻狗度,仲sorry都無句!」
兩條友仲要企喺度繼續狂鬧,我睬鳩佢哋都傻,繼續行
我唔知同佢哋一齊行山嗰個老女人係咪嗰一男一女嘅老母,係嘅話就望下你自己教咗舊咩垃圾出嚟!自己有錯在先,竟然sorry 都無句,仲覺得自己啱晒?
其實我隻狗之前俾人虐待過,一向都已經好驚人,俾條仆街咁樣一嘢撞落佢度,佢嚇到之後全程行山都一見人行埋少少就左閃右避,驚又俾人撞
讀者投稿@爆裂太太