#ParentLicenses1556

我係一個全職媽媽，最近我哋搬咗屋，隔離屋住咗一個有兩個小朋友嘅家庭

隔離屋嘅媽媽應該都係全職媽媽，因為我每一日都會聽到佢好大聲咁鬧個女，有時甚至打，之後個女就會開始尖叫同大喊

初時我覺得人哋喺自己屋企教女，人哋點教唔關我事，但日復日都係咁，我就開始覺得唔係幾妥

我聽到阿媽鬧個女嘅說話都幾難聽，試過聽見佢鬧個女係食屎狗，又聽過佢鬧個女：「你飲咩水呀？！邊個俾你飲水呀？！」

飲水都要鬧😳？之後就聽到佢打個女同個女大喊嘅聲音，甚至我都已經分唔出係我哋啲牆太薄定係佢真係打到咁大聲🙈

我覺得可能個媽媽要全職照顧小朋友好大壓力所以成日失控，但原來個老公都係癲嘅

尋晚我聽到個老豆大聲鬧個仔：「你冇撚用㗎！」

之後就聽到個仔不停重覆大嗌：「唔好再打喇！好痛呀！」

唉，我都係做人媽媽，真心唔明點解可以咁樣對自己啲小朋友，每一日聽到佢哋打小朋友都會覺得好心痛。小朋友係會頑皮，係會唔聽話，但訴諸暴力只會係一個惡性循環

日日咁打法，我好擔心有日佢哋家暴會搞出人命😥

圖片來源@《法外風雲》截圖
讀者投稿@隔離鄰舍