#ParentLicenses1546

平衡車比賽見聞，以下內容全發生在同一媽媽身上

是次比賽係喺一個展覽會場入面舉行，大家都要早到場換門票，而有一位媽媽就因為太多人換票，因而錯過了試賽道嘅機會，就喺度搵工作人員抗議

工作人員要求該媽媽要驗咗車先得，佢到驗車處又嘈，要人讓佢先，人哋唔讓又再嘈

之後，又因為佢小朋友無手套，工作人員唔俾佢入，因為無手套係唔落得場比賽，最後佢搵人借咗

但當佢見有其他小朋友無手套但又比賽完，就係咁捉住工作人員，再指住個無手套既小朋友，係咁話：「點解佢無就可以，我無就唔得？！」

工作人員已經道歉並表示睇漏眼，但個媽媽都仍然繼續嘈

好啦，到比賽完，頒獎時佢又嚟料。因為佢個仔排第7，而唔係佢理解嘅第2。個主辦係新手，佢可能解釋得個賽制唔好，令人誤會每場決賽都有123，但原來第二組嘅123係會排喺第一組嘅名次之後，所以就變成678，而唔係123

最後呢個媽媽要所有得獎人呆企睇佢嘈

最終主辦抱住佢仔安慰咗好耐，同畀咗個第二獎杯佢，個媽媽先滿意咁走

以上係集合幾個目擊者得嚟，所以可能有錯漏。但呢啲比賽仔都係玩吓，人人有份，咁認真做咩呢？個仔睇住自己咁失禮又何苦呢？

讀者投稿@平衡車手家長