#ParentLicenses1361

今日帶個兩歲半嘅女去某大商場嘅公園玩，阿女正在喺一條管狀滑梯瀡緊落嚟

因為天氣熱同埋流咗汗嘅關係，阿女喺開始瀡無耐就stuck住咗。阿女正嘗試繼續落嚟嘅時候，尾隨有個大佢少少嘅男仔就踢咗佢幾下

我哋已經一直叫個男仔唔好踢人，但佢唔聽，仲好興奮咁繼續踢。直至兩個一齊瀡咗落嚟之後，我個女已經喊到收唔到聲

個男仔仲係繼續想踢我個女，我哋當然即刻阻止佢同抱走個女；個男仔嘅阿媽只係過嚟抱走個仔去隔離玩……

大人同細路一樣——一句道歉都無！

我哋安撫完個女之後，佢話仲想玩多一陣。正當阿女爬返上同一條滑梯嘅時候，頭先個男仔又跟住佢，又想踢佢落滑梯，今次俾我先生上前喝止咗

個男仔嘅媽媽唔管個仔亂踢人，反而問我哋做咩咁大聲嚇佢個仔，我話佢個仔踢人落滑梯

佢都仲要話：「小朋友玩係咁㗎啦，佢想玩滑梯咋嘛，佢都唔想㗎！」

難得放假一家人出去玩，偏偏遇著咁不可理喻嘅人……

讀者投稿@教養何在？