#ParentLicenses2719

話說今日同朋友去NAXXX夾公仔，咁都夾咗好多年，都無話好似今日呢件事咁神奇

我就夾緊部細公仔嘅三爪機，咁呢啲機不嬲都係你有無技術都好，你入夠錢總會出到。當你張卡唔夠錢時，係直頭可以同職員講，麻煩佢哋幫手睇住部機，你去入錢再「賭」過

正當我夾咗大概十分鐘，「賭」咗十次左右啦，咁我張卡無錢，叫朋友睇住部機，我就去充值。同一時間，後面突然有個睇落去小三、四嘅細路女同佢阿媽衝埋嚟想夾

我朋友隨即就話：「我哋重夾緊喎」

因為呢啲事時有發生，通常講完呢句後，對方都係會乖乖咁排隊。我就無太留意兩母女講乜，因為佢哋既唔係講廣東話，又唔係普通話，就更加無留意

之後夾多咗五分鐘左右，忽然個細路嘅老豆走埋嚟黑口黑面問：「你哋到底重要夾幾耐，你哋夾好耐下啦喎！」

成頭黑人問號嘅我哋：「下？咪夾到出貨囉」

老豆續：「你哋到底要夾幾耐，我個女要玩，係咪應該要讓？」

讓？讓咩？家陣無俾錢玩咩我哋？同埋點解我要夾到一半要讓？一陣讓咗俾你，佢保夾，你係咪會俾返隻公仔我？

我都唔想喺啲細路面前講粗口，算好聲好氣回應個老豆：「不嬲都係夾到出先會停，一係我放棄唔夾，邊有『讓』呢樣嘢。我就未出到，你覺得唔滿意唔合理嘅，你可以搵職員嘅」

個老豆就喺度又呢又路，又唔肯去搵職員叫我讓機。咁啱我要搵職員幫我reset返公仔個位，我就行開去搵職員

趁我行開，個老豆就大大聲咁同個女咁講：「These two adults are not mature」

係呀，我無打錯，都無聽錯，佢真係用英文咁同個女講

把鬼火，我大大聲講咗句：「唔好以為我聽唔明英文啦！」

我講完就去搵個職員幫手，順便講埋個我處境，話嗰家人話我霸住部機，要讓部機俾佢個女

個老豆見到我返嚟，即時兇住我咁講：「家陣我同個女講英文有咩問題呀，個女只係識聽英文！」

我：「咁我都只係講我識聽英文啫，又有咩問題呢？」

佢落唔到台就走去搵個職員講啦，話我點解可以玩咁耐，點解可以reset部機咁多次都唔走啦云云

個職員都話，只要未出貨，我都有權繼續玩，唔係時間問題，reset幾多次都係無問題

隨後我繼續夾，果然真係唔使兩下，我就出到貨啦

到佢個女玩啦，丫，你老味，又唔撚夾喎

之後我朋友先同我講，喺我充值嗰陣，個女嘅老母已經黑口黑面咁搵佢老公投訴，之後佢老公就先過嚟兇我哋。好啦，講唔掂人，就同個職員講，又喺度黑口黑面咁又呢又路

大佬呀，成個場都大把大人喺度夾緊，又唔係細路場，而且我又唔係無俾錢，更加唔係夾到清晒機先走，只係夾得嗰一隻，貨都未出就又閪又西，重下下話要讓個細，又唔mature又盛

家陣邊撚個唔mature，又要講人壞話，又唔撚夠薑用廣東話，博人聽唔明。當被人兇返轉頭，又喺度兜，都痴撚線

規矩唔清楚又唔問，個老婆黐筋又陪佢癲，成個世界圍住啲細嘅嚟轉㗎？癲少陣啦！

讀者投稿@一名被家長逼害嘅夾公仔玩家