#ParentLicenses2703

說話啊女讀緊中四，由上年十二月開始，班上有個男同學（新來港人士）暗戀我哋個女。我指出男生的身份只是事實陳述，並非歧視

我都明白男女之間異性會對異性有興趣，大家都經歷過亦明白，我並冇怪責男生。惟問題來了，初時男生冇咁出面，直到後來啊女向我哋反映男生經常無故接觸呀女，例如拉呀女隻手。啊女唔鍾意，並對男生反映，之後男生冇再做任何行為，以為事情總算告一段落

直至五月有一日，男生家長突然發訊息給我，內容主旨係希望我個女將來中學畢業立即嫁俾佢個仔，並表示有一層樓作新婚禮物，求我哋叫個女接受男生

佢哋好滿意我個女，不斷游說：「女人早成家立室，三十歲便冇人要，如果早婚你哋就可以唔使再養個女」

簡直痴線，對方全家都係大陸人，聽其他家長講佢哋農村收地再有錢分的暴發戶，並非受過高等教育，真係為所欲為個仔想點就點

我同先生當晚X爆佢全家，全班家長都知呢件事，一致認同男生家長好過分，齊齊離遠男生家長

呢度係香港，就算四十歲都有人要

讀者投稿@不安的父母