#ParentLicenses1494

假日出街真係好炆，見盡一堆無考牌家長

#情景1
去到一間鋪頭，我排梗隊畀錢，前面顧客A問緊收銀員問題，顧客B拖住兩個小朋友（其實都唔細，小五小六）一嘢撞開顧客A，再問收銀員：「哩樣咩嚟㗎？」

之後職員無理佢，繼續答顧客A，然而顧客B仲要繼續問，問咗差唔多5次之後，個職員收起埋件嘢🤣🤣🤣🤣

嗰兩個小朋友就繼續喺人哋舖入面搞哩樣搞嗰樣，尖叫大笑等等，最後要老闆親自叫佢哋走

我都睇完嘢走，咁啱就同佢哋同一部電梯，聽到顧客B就話：「唔緊要啊，我哋逐間逐間舖睇，睇完當買咗」

我：「……」

#情景2
搭梗車，對面有個小朋友，應該4-6歲，佢講嘢勁大聲，每個站都話：「到未？到未？」

個啊媽就掛住玩電話hea答：「係啊係啊」「到啦到啦」「得啦得啦」

個老豆全程無搭嘴（我都係落車嗰刻先知佢係老豆）

最令人無語嘅嚟啦！
👦🏻：「你究竟幾時死啊？」
👩🏻‍🦱：「得啦，差唔多啦」
佢應該完全無聽到個仔講咩
👦🏻：「咁即係幾時？10月1號啦，點解你仲未死啊？」
👩🏻‍🦱：「下？咩啊？」
👦🏻：「10月6號你係咪會死啊？」
👩🏻‍🦱：「唔會啊」
👦🏻：「你可唔可以早啲死啊？我唔想對住你」
👩🏻‍🦱：「……」
👦🏻：「你快啲死，我同家姐就可以日日唔使見到你，你啲嘢就可以畀晒我」

個啊媽都係繼續玩電話，由得佢繼續講，仲話要同家姐分錢可以買玩具blablabla

我喺附近睇到眼都凸……究竟要幾唔鍾意自己個啊媽先可以叫佢快啲死，而個啊媽又可以完全無反應㗎喎😅😅😅😅

圖片來源@唐伯虎點秋香
讀者投稿@路人甲