#ParentLicenses2790

我同老公等緊𨋢落地下，同時後面都有對婦夫同一個小朋友一齊等緊

我哋入先，之後就到佢哋入𨋢之際，個小朋友懷疑俾個𨋢門撞到個頭，佢阿媽喺𨋢內問個小朋友痛唔痛

直到出𨋢，我老公聽到佢喺度咀噏噏話：「咁大個人都唔識搭𨋢」

本身不以為然，但隔咗一陣我老公先同我講：「佢哋好似講緊我哋」

我隨即就去搵佢哋了解事件。佢哋一路上小巴，個阿媽一路發癲嗌出嚟：「咁大個人都唔識搭𨋢，唔識撳住個掣俾我哋入嘅，咁大個人有手有腳重喺度搭𨋢！」

我立即回擊：「關咩事？你哋有手有腳夠搭𨋢啦！咪又係搭𨋢」

個阿媽：「我哋有小朋友丫！」

明明討論緊「有無手腳應唔應該搭𨋢」，無端端推個小朋友出嚟做擋箭牌，根本係對方無晒理據要視線轉移，開始講啲完全唔關事嘅事，而喺成段對話中，佢嘅老公係一句都無出過聲

其實你哋明知自己有小朋友，點解唔係自己撳住個𨋢門，要好似個小朋友我都有份咁，有義務要幫你撳住個𨋢門？同埋，有手有腳同搭𨋢有咩關係，你都未答我

讀者投稿@Ho