#ParentLicenses2747

今日下晝去咗港島某個DIY baking studio，係場地會俾部iPad你，自己跟住執材料架撐整蛋糕，之後有人執手尾嗰啲活動。活動進行期間，我全程都勁忟而勁驚

成班巴支閉港媽，帶住堆淨係講英文嘅靚妹去DIY baking studio，一入門口就喺度大叫大嗌。當個staff介紹緊話跟住iPad自己做，嗰堆老母就咿咿呀呀咁話：「吓？乜要自己做，唔係有人教嘅咩？我哋唔識㗎喎」

乜喺book之前冇睇清楚何謂「DIY」咩？你哋唔係諗住嚟上堂呀？

成班靚妹睇落六七歲，特別有兩個坐唔定，全程喺到走來走去，啲阿媽全無意欲叫佢哋停低，既喺度跑圈追逐，又喺度瞓地，完全失控。我全程勁驚佢哋剷埋嚟撞跌嘢

我嘗試叫啲staff同啲老母講控制下啲細路，結果當然冇反應啦。我怒睥其中一個老母，佢竟然對住我笑。大佬，個場都算係廚房嚟㗎，一個熱嘅pan跌落你個寶貝女個頭，你重識唔識笑呀？撞散人哋個餅係咪你哋賠先？

好心明知細路坐唔定又冇興趣，就唔好為咗打卡帶佢哋嚟呢啲地方。要開party走嚟走去，就唔好用呢啲咁嘅shared space，自己包場啦

讀者投稿@業餘蛋糕師