#ParentLicenses2720

其實從幾時開始，夾公仔機舖同普通機舖睇齊？麻煩唔好再俾啲細路入去

細路喺度亂跑、撞人、尖叫，平時煩鳩住晒都算啦，今次係進化到搶錢呀

事源今日去唱錢嘅時候，部機放咗個膠兜接住啲5蚊銀。等啲幣跌落嚟大概5秒間，就有兩個細路突然衝過嚟，佢哋二話不說就伸手落個膠兜搶我啲5蚊

一直以嚟都覺得香港治安好好，我無諗過喺我隻手離開個膠兜短短只有5秒嘅時間，竟然都會被兩個細路打劫

當時我即刻喝住佢哋：「屌你老母搶錢呀！」佢哋先扔低返啲錢，但仍然嬉皮笑臉哈哈哈笑出聲咁跑走

大概隔咗陣後，佢哋老母先玩住電話咁姍姍來遲出現。我聽到佢好大聲用純正廣東話同個仔講無錢夾

到底而家嘅教育出咗咩問題，啲細路可以隨街搶人嘢都得？講緊係目測兩個細路年齡大概小一二左右，相信係已經知道咩叫偷嘢搶嘢，咩叫犯法嘅年紀！

啲家長帶佢哋出街嗰陣，隻眼淨係望住個電話，眼尾都唔望下個仔，既然係咁，其實唔想教唔想理嘅話，你又點解要生呢？成件事匪夷所思到唔知講咩好

讀者投稿@被細路搶錢嘅大人🥲