#ParentLicenses2714

話說朋友話俾個女學琴，但個女無心機學，而且係咁發脾氣，更整爛埋部琴，搞到佢好嬲

我問佢：「你有無同小朋友溝通過，小朋友唔鐘意，會唔會係有其他興趣？」

佢答：「個女有講過根本唔鐘意彈琴，想學跆拳道，但女仔梗係溫柔斯文啲，將來先會識到好男仔」

我話：「興趣同個性可以無關係㗎喎，同埋彈琴關識男仔咩事？」

佢話佢覺得因為細個屋企人無俾佢學琴，佢覺得好遺憾，唔想個女都無呢個機會，所以就算迫，都要個女學到至少有八級

我話：「所以自己做唔到，就想個女做？如果第二時佢因為無學到跆拳道，覺得好遺憾，返嚟埋怨你，咁你點算？」

然後，佢嬲咗我

讀者投稿@某種老朋友