#ParentLicenses2701

某天見到某幼稚園的家長和學生一起到元朗大x渡假村參觀，而同時還有另一間特殊學校參與這教育營。該特殊學校是讓中度智障的學生就讀，當中家長、老師和學生的比例應該是一比一

當天上午，該幼稚園學生中的母親以呼喝的方式和其中一個孖女（目測低班）對話，故此我已關注她們。過了不久，孖女媽咪突然大叫，聲浪大到成個體藝館都聽到

孖女媽咪：「你踢到佢個肚呀！有無搞錯呀！」

原來是有一名特殊學校的學生一腳踢咗落其中一個孖女個肚度。孖女媽咪十分憤怒，個孖女由原本唔知發生咩事，聽到個阿媽咁大聲鬧人，隨即七情上面，擘大個口喊，孖女媽咪立即攬住個女

女孩哭了大約一分鐘已不哭，但孖女媽咪繼續大聲鬧個中度弱智的女仔。陪伴住個中度弱智女仔的家人（或許是老師）不停道歉，但個媽媽依然氣憤難平

孖女媽咪怒吼：「你俾你聯絡方面我呀！有咩事我一定搵你！」

對方立即話：「得得得，無問題」

我相信踢人的那位女孩應該也很害怕，她大叫了一聲，還跌了一跤坐在地上，要老師和家長抱起來，再被拉到一個角落坐低。她可能都唔知道自己做錯咩，點解要俾人扯到去咁遠坐低

聽講孖女媽咪還要求報警驗傷。我覺得自己個仔女俾人踢到，感到唔開心、憤怒係好正常，但人哋真係低聲下氣道歉，而且見到個女仔咁，我估她都身不由己，她家人也不想，何必要咄咄逼人

如果世上的人多點同理心，多一點點善良就好了

讀者投稿@路人甲