#ParentLicenses2665

有件事埋藏喺我心入面一段時間

嗰陣時我個仔讀緊K2，之前喺觀塘區一個私人泳池學游水。因為係有我呢個阿媽帶住，所以平時呀仔都係跟住我入女更衣室換衫同沖涼

有一次，我仔等埋女仔朋友，留咗喺更衣室等佢，突然有一個女仔嘅阿媽大聲話我個仔：「入嚟𥄫嘢呀！？」

K2小朋友識𥄫嘢？但我冇出聲，直接拉返個仔出去。去到家長觀眾席，嗰個阿媽又大聲講一次：「咁大個仔重入女更衣室，有冇搞錯！」其實學完游水去沖涼時，有更多大過我仔嘅男仔都有入去沖涼啦

隨後，教練就叫我哋俾佢入男更衣室沖涼，但條規定明明寫住係高過110cm先要入男更衣室，應該係個教練驚咗嗰個阿媽！

讀者投稿@阿媽