#ParentLicenses2589

將小朋友考到的offer list問其他家長點揀好，我一直覺得呢個行為好奇怪，而我就喺其他群組睇到有一個相類似的post，真係令人替現今的小朋友擔心

為小朋友投考前，難道家長並無心儀排序嗎？無了解自己小朋友的性格？無了解過將投考的學校？家庭教育方向無定位？上網問用家意見唔係投考前基本功課？

如果對比的學校類型相近、定位相似，可能還有點討論空間；但將國際學校同傳統學校相比就實在令人匪夷所思。更恐怖的是，留言回覆的家長中，沒有一個係由小朋友的身心健康岀發，全部主要都只考慮金錢、升學岀路、畢業後人脈關係的得著等等

最最最可怕的是，有發問的家長想將原本讀國際幼稚園的小朋友轉到傳統女校讀幾年小學，之後又再調返到國際學校升讀高小或初中，為的只是減少幾年學費、學習中文、抽中咗傳統名校唔想放棄云云

究竟家長當小朋友是學習機器？還是家長當小朋友是用來可炫耀的戰利品？轉來轉去真的對小朋友發展好？真係建立到名校畢業生人脈？

自問都係虎媽一名，希望小朋友入讀名校，認同名校同學群的家庭背景相似，可以耳濡目染；家庭價值觀相近，起碼和其他家長溝通容易。但我都明白一所適合嘅學校比起名校對小朋友發展來得更緊要，如勉強小朋友入讀名校，只會得不償失，影響家庭和諧，對小朋友發展更加無幫助

相片來源@虎媽
讀者投稿@虎媽