#ParentLicenses1452

某日喺西鐵轉乘輕鐵回家時，見到呢一幕真係令我太深刻！

候車月台位置企滿好多人，我身後有一對母子

隱約聽到哩位媽媽為佢小朋友（目測11歲左右）嘅學業、打機問題不停鬧

隨後小朋友突然情緒激動，衝前往路軌，揚言要自殺，不停大叫「我要死」「我想死」之類嘅說話

輕鐵準備埋站，場面一度混亂！幸好有幾個位途人合力捉住小朋友拉後去，如果唔係，後果唔敢想像會點

然而，我見到嘅係，哩位媽媽竟然一巴掌打落小朋友度，再問：「死有咩用？！」

哩位媽媽仍然不停抽打小朋友，而小朋友情緒接近崩潰，手打腳踢反擊

各途人見場面混亂，就合力將二人拉開

我想問，到底位媽媽係咩心態？

讀者投稿@Sandy