#ParentLicenses2481

晚餐時，有一家三大兩細坐咗喺隔籬枱，目測兩位小朋友都未讀上小學

爸爸媽媽好俾心機教佢要清潔雙手，又要求佢哋食飯期間雙手不能觸碰電話（電話放喺枱，開住影片俾佢哋睇，但無開聲），咁我都覺得佢哋有盡父母責任嘅

去到食甜品時，爸爸離開咗，而媽媽就向兩位小朋友提供選項——雪糕或西瓜，只能二選其一。兩位小朋友都選擇雪糕

食完雪糕，西瓜上枱，兩個小朋友扭計要食。我呢刻好清楚聽到個媽咪話唔俾，因為佢哋已經食咗雪糕

未幾，懷疑係嫲嫲或者係婆婆（好清楚聽到男人叫佢做阿媽，不過有啲家庭會叫外母做阿媽）即刻伸手俾西瓜佢哋，個媽咪就即刻黑晒面同佢講：「點可以喺佢扭計嗰陣俾佢嘢食嘅啫！」

適逢爸爸返嚟，見到咁嘅場景，遂拉咗佢老婆傾兩句。與此同時，個嫲嫲重嘗試俾佢哋食埋西米露，話熱辣辣有營養

之後嘅畫面想像到就無謂提，總之最後係小朋友喊晒口，而個嫲嫲就有些少落晒形。好明顯係對父母考晒牌，但佢哋對上一輩係未考

讀者投稿@你地考左生仔牌啫，身邊啲人呢？