#ParentLicenses2466

大年初一諗住同屋企人喺荔枝角D2睇賀歲片輕鬆吓，點知後邊坐咗一家大細，病到一個點嗰隻，例如會喺你後面不斷咁樣索鼻水，索到係好似你飲汽水飲到杯底不斷用飲筒再飲嗰種聲音，之後重除埋口罩擤鼻涕

我坐佢前面，基本上佢個細路已經喺我頭殼頂度又咳又剩，我都嚇到即刻帶返個口罩，亦已經望咗佢哋全家人幾次，先發現原來個細路係坐前座喺我頭殼頂度咳！

嗰下已經想講粗口，只不過而家冇得話佢病唔入得戲院，最後見附近隔咗四五個位有吉位，遂即搬咗埋去坐埋下半場。可惜喺最後都無一倖免，我同屋企人返到屋企已經頭痛流鼻水

其實新年唔舒服係咪真係要碌出街，而且要去戲院呢啲密閉空間播毒呢？小朋友唔舒服我還可以理解，但係點解身為家長要咁自私，全家病晒都仍要出街睇戲播毒？新年流流搞到其他人唔舒服真係好嗎？

讀者投稿@K