#ParentLicenses2459

一講起我家姐就火都嚟

家姐佢本身已經有三個仔女，明明啲仔女出晒身，幾年前重要生第四個。嗰陣時叫佢唔好生，佢拍晒枱同我講：「我自己會負責！我老公會變！」

我真係冷笑咗十聲，一家人住喺我阿媽度，根本佢仔女點樣長大，佢自己心知肚明，靠佢老公？成家餓死十年啦

而我阿媽又係爭唔落，引狼入室。嗰條友（家姐老公）日日喺度扮大爺，有工返，搵到兩三萬一個月情願攞去賭，佢都唔會攞錢返去。不過我係佢的話，我都唔理啦，反正係咪都有得食有得住，冇人俾壓力

我阿媽六十幾歲都未退休，我老豆冇錢又問我攞，講到全部都係我嘅責任咁。喂！佢一家人又喺度食喺度住關我鬼事，佢生咗個細嘅出唔到去做嘢，我一早預告咗佢㗎啦喎

我阿媽重好笑，喺度包庇佢，重要話係咪都係一條生命出咗世。喂！當時我有勸告佢㗎啵，佢自己發晒誓話佢老公點點點，而家要我埋單？我返都唔想返去

我家姐面皮厚到失晒憶咁樣，竟夠膽打嚟同我扮friend。你自己愛你老公，唔該唔好搞到其他人，你要攬住呢個廢人過世，可以死出去。就係因為你嘅自私、你嘅愛，就要全家人同你埋單

個個都話我姐夫垃圾冇用，我家姐好慘等等，其實我一啲都唔覺得係咁，因為人生第一個開始都係佢自己攞嚟

讀者投稿@Baby