#ParentLicenses2454

有一位有啲人氣嘅KOL媽媽一向post開漫畫同小朋友日常生活相，亦有賣下手作仔。然而，佢個小朋友都開始大個，啲相又有名，校服又好易認，我認為喺屋企溫習或做功課嘅相真係唔適宜再post，始終同學之間一定會知（不過佢應該會話係問過個小朋友同意先post）

近期呢位媽媽走火入魔加入做傳銷，「介紹」下美容產品、減肥產品，最緊要係聽埋佢公司（N字頭嗰間）個talk加入做下線——「加入我哋嘅團隊💪🏻與你攜手共創美好新生活」

重點來了。近日佢細嗰個小朋友去室內沙池玩，夜晚返到屋企始發現有粒石仔入咗耳仔，佢居然係即刻開post問各位讀者而唔係去急症。其實佢都生咗兩個，之前又間唔中post小朋友唔舒服入醫院嘅相，係咪真係有必要問咗大家先決定下一步要點做呢？

個post下面大量留言叫佢去急症，最後佢係冇即時去嘅。惟隔咗段時間後，佢話聯絡過兒科醫生，醫生話唔使去急症，約咗第二日先去睇私家醫院門診。隨後佢再出reels加出多個post講診金有幾貴、保險claim唔晒、媽媽要努力搵錢云云

其實又話好擔心又剩，點解第一時間係出post吸引大家眼球？事後出post提點大家咪可以囉，「呃like」係咪真係咁重要？

讀者投稿@一個平凡的媽媽