#ParentLicenses1442

今朝搭屯馬線返工，發現有啲香港人好可怕同冷漠

上車後，見到一個睇落似五十幾歲嘅女人，對住一個企喺佢隔離嘅後生孕婦尖叫。個孕婦手腳纖瘦，但個肚都幾大，似有咗六個月

五十幾歲女人：「大肚婆大晒咩？」

孕婦：「唔好意思，我大肚要扶住，驚跌親。如果整到妳，唔好意思」

五十幾歲女人：「妳大肚咁巴閉，咪叫人讓座俾妳囉！」

孕婦：「我只係想解釋俾妳聽，我大肚所以要扶住。我暫時唔需要人讓座」

嗰個女人態度差，把聲又大又尖，之後仲自言自語

難得個孕婦一直好平靜，我都戥佢無奈

當時附近有關愛座，但無人讓座俾個孕婦；而且周圍嘅人都聽到個女人尖叫，亦無人幫口

個個喺度食花生，包括我……

後來有人落車，嗰個女人一支箭咁坐埋去，而個孕婦企足全程

到個孕婦落車後，嗰個女人仲話：「大肚好叻咩？」

生仔真係要考牌，如果嗰個五十幾歲嘅女人有生仔，可想而知佢點管教細路；正面啲諗，個孕婦情商咁高，將來應該會係一個好媽媽

電影截圖@功夫
讀者投稿@屯門街坊