#ParentLicenses2391

今日中午搭輕鐵，放學時間車廂好逼人

當輕鐵到達其中一個站，車門徐徐開啟後，喺月台上嘅輕鐵職員並無上車，只係企喺月台度，等落車嘅人查飛

有一對母子喺我隔離好急咁攝過嚟，同時聽到以下對話

仔：「媽媽，到啦……做乜唔落車？」

媽示意🤫表情：「我哋……無拍卡㗎，快……快啲行啦！」

由於月台有幾個職員喺度，唔敢落車之餘，媽媽只好心虛地嗱嗱臨逃到另一個車廂嘅人堆之中

仔：「哦……」

個仔只好無奈地給媽媽拖著行（仔只係幼稚園生），而到下一個站時，媽媽好安心咁帶住個仔慢慢落車啦！

阿媽媽，我唔理你係有心唔拍卡定真係唔記得，但係喺小朋友面前唔該做個好榜樣，教佢正確嘅做人態度，唔好令佢覺得原來唔俾錢都無問題。一次走得甩，唔會次次都咁好彩㗎！

讀者投稿@寶貝仔個名媽