#ParentLicenses2377

喺度等緊巴士，巴士站有個應該得七歲左右嘅細路女係咁吹佢支玩具小號，持續吹出「BB嘟嘟」咁嘅聲，令人不勝其煩！

我一路等，佢一路吹，我就睥住佢。雖然佢老竇好惡咁罵咗佢兩次「你唔好再吹啦」，但細路女完全冇理，都係繼續吹

未幾，佢阿媽就話：「家姐，你吹咗好耐啦，唔好吹啦」

「咩啊？我啱啱先吹咋！」

「我見你吹咗十分鐘啦喎，你唔好再擺落口度吹啦！」

當然，個細路女都係一樣冇理佢阿媽，仍然一路吹吹吹

好嘈啊！我即刻戴返個耳機

點解做父母嘅，唔即刻搶咗支玩具小號去，任由佢吹？

圖片來源@愛君如夢
讀者投稿@對聲音敏感者