#ParentLicenses2350

百分之一百係真人真事

是咁的，由細到大，我老豆老母都偏心細妹，老豆只會打我而唔打細妹。因為我由細被打到大，所以我細個係勁憎父母，成日想殺死佢哋。不過，我從來無懷疑過自己身世

直到我嫁咗之後，同娘家關係更加惡劣，亦因為咁我重有埋產後抑鬱，差啲自殺。我老母直頭當咗我同我老公係仇人咁，例如當娘家有乜嘢唔好嘅事發生，一一都賴係我咀咒佢哋……等等（下刪一萬字）

自此，我開始懷疑自己身世。後來，我成三十歲人，先從親戚口中得知我係我老母結婚之後同其他男人所生嘅女，而且我老豆後期都知道嘅。所以我都無再憎恨我老豆，因為我唔係佢親生女，咁對我都好正常

得知真相後嘅我都同老母確實，但無細問佢詳細情況，因為佢認咗後都唔太願意講。但更驚為人知嘅係另一個大秘密，原來我細妹都唔係呢個老豆生嘅，不過老豆就未知真相，而且細妹同我都唔係同一老豆生！

聽講老母當時係同個男人做交易，生咗仔就俾個男人，生女就俾我老母，無論生仔定生女都會俾廿定三十萬我老母。呢個我就冇同老母講同無問佢

我收埋呢個秘密喺心裏面好耐，一直糾結緊應唔應該同細妹講，惟我驚講咗會傷害到佢。到底我應唔應該問清楚老母同話俾細妹知？

圖片來源@殭屍
讀者投稿@家姐