#ParentLicenses2287

本人喺興趣班中心工作

因為呢排落雨，有學生帶咗把好似幾名貴嘅遮上堂，而我哋中心門口有遮架俾家長或學生入到中心放置

點知到放學嘅時候，家長打電話嚟中心，發難話佢小朋友把名貴遮喺遮架被人偷咗，再指責其他小朋友係賊偷佢把遮

家長續話：「如果遮架擺出嚟咁易俾人偷遮，放遮架出嚟做乜喎！？」

老實說，正常其他地方落雨都會提供遮架俾人放遮，但偷遮呢啲事，實在又好難避免，好似入食肆放遮架其實都怕有人偷（或者有人攞錯遮）。如果真係擔心，自己多數都會跟身，何況講到把遮咁貴重

家長後尾有提到報警，我哋當然唔會阻止，每個人有權利咁做。相信警察自不然都會開file，但警察會唔會受理落區搵又另一回事囉！

讀者投稿@AI補習