#ParentLicenses2279

琴日八號風球全港停課，就到我呢啲人受罪

事關我隔籬屋住咗兩個細路，似係ADHD同埋輕度智障，佢哋由朝到晚，無論事無大小都會喺度尖叫

由於我返工嘅關係，加上早排天氣熱而要經常開冷氣，同埋佢哋唔知去咗旅行定係返咗去公屋住，所以已經有幾個月無受到滋擾，但只係持續直到琴日為止

琴日打風，隔籬屋由十一二點開始就不停尖叫，就算閂晒窗啲尖叫聲依然非常響亮。之後重聽到有把聲話「邊個細路咁嘈呀！靜少少啦！」睇來連其他單位都頂唔順佢哋啲叫聲

諗著班細路聽到人鬧應該會靜啲，點知尖叫聲仍然無停過，甚至到咗夜晚都重喺度叫，外面越大風佢哋就叫得越大聲，但佢哋父母完全無理過

你哋可能會問我點解唔投訴，其實我有打過俾管理處，但係因為我嗰邊太大風嘅關係所以嚟唔到。我試過用友善、恭敬嘅語氣同佢哋講，建議佢哋帶兩個細路去做輔導。然而，佢哋給予嘅都係「細路係咁啦」「有咩問題」之類嘅回應。你哋細路由朝到晚都喺度尖叫，尖叫聲可以嘈到人哋耳鳴，咁都無問題咩？

琴晚場風吹爛咗我啲嘢，近排又俾個仆街同事搞，情緒已經受到影響，再受埋嗰兩個細路尖叫聲滋擾，搞到我個人就嚟癲

喺乜都做唔到嘅情況底下，我唯有希望佢哋兩個快啲啞！

讀者投稿@俾我抖下啦