#ParentLicenses2235

揸白卡嘅怪獸家長真係好恐怖

今日去中心接個仔放學，喺大廳聽住個白卡老豆投訴另一個小朋友，真係搞到我反撚晒白眼

估計件事係起源於之前中心帶班小朋友出去玩，當中有個小朋友A無帶八達通，A就問白卡老豆個小朋友B可唔可以買支嘢飲俾佢

B買咗支嘢飲俾A之後，返到去就被老豆知道咗，跟住今日就走黎嚟中心投訴

中心職員話咗人哋家長覺得唔好意思，都拎返支嘢飲錢俾返佢，但白卡老豆又話唔係錢嘅問題

白卡老豆：「今日個小朋友可以話口渴要我個仔請佢飲嘢，第日可以話肚餓要我個仔請佢食嘢！」

我心諗：「咁你應該教個仔say no啦」

個職員再次解釋：「兩個六七歲小朋友可能對錢無乜概念，A應該唔係想呃B嘅」

白卡老豆不屑：「如果呢啲嘢發生喺學校嘅話，就係欺詐同欺壓！」

我做咗差唔多四十年人，叫同學請飲嘢成日都發生㗎啦

原本想食多陣花生，但我個仔出嚟要返屋企，跟住我仔同B講拜拜。屌，佢哋兩個唔係同班啩？之後如果我個仔同B有咩唔愉快，個白卡老豆會唔會話我個仔欺凌佢個仔㗎？

我後尾問返我仔，原來A人緣幾好，唔會蝦人，又成日幫其他小朋友。睇嚟個白卡老豆真係有病

讀者投稿@驚左D白卡既爸爸