#ParentLicenses2219

暑假開始咗，香港嗰水上樂園都多返人去，佢有個室內人造浪泳池，旁邊有大量沙灘櫈，啲人都慣咗放自己啲隨身物品喺嗰度

見到有兩架BB車喺我張沙灘櫈旁邊，一架放晒袋，另一架有個BB瞓咗喺度。初頭我都未有為意，係直到我玩完一輪返去飲啖水嘅時候，我先見到BB車內個BB醒咗望住我，然後踢開張被滾咗落地下，再發現個BB剩係着住條片

我望下佢阿媽喺邊度啦，頂你！係無人喺度睇住佢㗎！

個BB開始喊，爬下又行下去搵媽媽。我驚佢凍親，又驚佢自己行咗落水（沙灘櫈同個泳池只係十步以內就到嘅距離而已🙄），遂抱起佢，就諗住佢阿媽喺泳池見到會跑過嚟啦。Damn！係無人囉！

未幾，圍觀嘅人愈嚟愈多，最後係要搵個保安過嚟協助。如是者，搞咗勁耐，終於就有個口帶鄉音嘅老母帶住個少女施施然行過嚟

老母：「哎唷，原來醒咗」

我：「🙄」

仆你個街，掉低個B喺泳池邊，然後去第二度玩水？！我諗個B真係可能唔係你親生

讀者投稿@是咪cls