#ParentLicenses2181
父親節你最想收到咩禮物？會唔會係你老婆逼個兩歲女填嘅色？
喺條片入面，個小朋友喊晒，佢媽咪都只係識用「do」去命令個女唔好停，更好自豪咁話係個女第一次嘗試油顏色。請問佢爹地收到咁嘅填色紙可以有幾開心？
我好想同呢個媽咪講，小朋友唔係「嘗試」，而係你逼佢，乜佢可以選擇放棄咩？為咗幫你討好個老公，佢有得揀咩？
呢個媽咪自稱教過幼稚園同埋係怪獸媽咪，佢話只係同個女講英文，但可惜佢啲英文錯晒，例如發音有問題，「Cynthia」同「Sylvia」都唔識分；文法錯到離譜，「wow…is a people」，「people」係複數嚟㗎，真係嚇死人
個小朋友好慘，本身講嘢已經唔叻，佢媽咪重要成日用有限英文教佢，教到個女兩歲三個月都只係識講少少嘢，詞彙量根本唔足夠佢充分表達自己
你咁樣其實幫唔到個女，直情係教壞晒，遲下佢拎晒啲錯文法同錯讀音見人點算呢？
讀者投稿@前同是
