#ParentLicenses2152

琴日我唔小心漏咗銀包，但因為要搭港鐵，所以就去售票機買車票。當行到埋售票機時，見到有個目測八歲的小男孩喺度玩售票機

我：「唔該借借，我想買飛」
小男孩就行開咗

正當我入緊張$50紙一剎那，小男孩突然撳咗「金鐘站」，車費一下子由$6跳到$18，但部機剛剛吸咗張$50蚊入去

我呆一呆，就問個小男孩：「你咩事呀？人哋買飛你亂按做咩呀？」
小男孩望住我，眼中有笑意

我再問：「你媽咪呢？」
小男孩做咗個噤聲手勢🤫

我再大大聲問：「你媽咪呢？」

搞咗一陣之後，我見幾步之外有兩個女人一個細路，其中一個女人走嚟：「咩事？」

女人續道：「你唔好咁大聲，我個小朋友有病；你咁大聲講，佢唔明，有咩事我賠錢俾你」

我忍唔住講：「小朋友有問題，你應該睇住佢，唔係放任佢自己玩」

由我行去售票機開始，呢個媽媽都係幾步距離之遙，更背向售票機同朋友傾計，連你個仔同路人出現磨擦都係慢幾拍先知，重要行埋嚟個態度係我錯咁。我本身唔大聲，只係你冇及時出現，我先至愈來愈大聲，同埋你個小朋友明佢自己做錯

「我個仔有病㗎！」小朋友有病，冇人想；帶小朋友出街，冇問題；態度同照顧方式先是關鍵

圖片來源@大時代
讀者投稿@兩女之母