#ParentLicenses2148

大家好，冇錯！又係我最愛明禎BB嘅巴士佬

今日想同大家分享一個痴線新移民老母追巴士不遂，之後企喺個燈位以肉身之軀攔住我，唔俾我開車，繼而影衰埋自己個仔嘅故事
.
事源係咁，喺尋日一個風和日麗嘅早晨，小弟如常開工，繼續揸返我要揸嘅路線

正當我揸到去大約深水埗同長沙灣交界，準備埋站時候，由於我本身停嘅位置前面有架中型貨車上落貨嘅關係，小弟唯有喺一個後啲嘅位置提早打開前門，加以響安提醒嗰個站嘅乘客叫佢哋上車

然而，小弟停咗喺嗰個位置大約十秒，即使不停咁響安、閃高燈、揮手，嗰班客都係無動於衷，於是我就打右燈閂門走

戲肉就嚟啦，當小弟停到某一個燈位嘅時候，突然間有個女人追上嚟攔住我架車，又指住小弟係咁鬧，又話我個仔得呢架車返學，又話我飛咗成村人站云云

如是者，同嗰個女人僵持咗大約一分鐘，小弟即刻拎個電話出嚟打999將近接通咗嘅時候，喺後面已經有架警車閃紅藍燈，隨之而來重有三個長官、兩個軍裝、一個便衣落車，夾返個女人上行人路

經過長官嘅指揮之後小弟繼續行程，直至駛至一個街口嘅距離，小弟如常咁埋緊站之際，我又見番嗰對母子

嗰對母子當住成車客喺個中門衝上車，然後指住我係咁鬧，又話我飛佢站，又話我個仔得呢架車返學等等

小弟亦都毫不客氣咁不停問候返佢個仔嘅外婆有幾好，我重話：「你阻住成車客，你信唔信我報警」

佢亦都跌落地揦返拃沙咁嘅款話：「你報吖！」

我：「好呀！我而家就報，你就咪撚走！」

佢個仔喺呢個時候行出嚟同個老母講：「唔好嘈啦，俾我返學喇……」

卒之佢老母當住成車客嘅面前好柒咁撚樣落返車，而小弟亦終於可以繼續行程

喺度我想講，你自己睇唔撚到架車開撚咗門而我走咗就唔係我飛站！係你眼殘，你亦都咪撚諗住屈鳩我飛站。你個仔搭呢架車返學關我撚事呀？咁大個人唔識自己預鬆啲時間就咪撚學人做老母啦咪撚生啦！你個仔得個小五六都叫你咪撚喺度發癲呀，睇下你幾撚瘀吖！我係你就搵個窿捐喇

讀者投稿@最愛明禎bb嘅巴士佬