#ParentLicenses1433

話說，我同啊女行傢俬舖，當時我女坐緊個類似搖搖櫈嘅梳化

有個5-6歲嘅男仔從遠處衝過嚟，佢一嘢就撳住張梳化，令我女搖唔到

個男仔睥住我同我女，勁大聲話：「喂！我想玩喎！」

我女好好脾氣，想起身俾個男仔玩，不過我就頂唔住條氣

我：「哇！你都幾無禮貌喎，唔該都唔識講？咁你繼續想下啦😂」

個男仔見我哋唔打算讓，報以眼超超後，就去咗搵佢家長，估係想投訴

遙望遠處，原來嗰對父母坐咗喺另外一邊梳打度玩電話，完全無理過個仔

個仔投訴不成，就喺其他梳打上面跳，仲要著住鞋

其實，若然你唔想湊、唔想理、唔想教的話，不如你唔好生啦，生到個仔一啲禮貌都無😒

讀者投稿@Dreamer