#ParentLicenses2138

今日同兩個朋友喺屯門Donki買壽司

喺壽司雪櫃睇緊嗁時候，無啦啦有個𡃁仔（八歲左右）一嘢攝咗入嚟擋住咗，咁我衝口講咗句說話

😂：我
👩🏻：八歲𡃁仔嘅阿媽

😂：「哇，咁冇禮貌嘅」

個阿媽👩🏻無啦啦睥過嚟

👩🏻：「你話邊個冇禮貌？」
😂：「下？你個仔囉」
👩🏻：「我個仔冇禮貌使唔使你話？你做咩鬧我個仔？」
😂：「下？我邊有鬧你個仔？同埋你個仔亂咁攝整到人」
👩🏻：「我個仔唔使你教，你哋三個人圍住我個仔，佢得八歲咋！」

嗰陣我嗰兩個朋友明明都冇出過聲

😂：「我哋冇鬧你個仔喎，好心你做阿媽就身教啦」
👩🏻：「我點教仔關你咩事？唔怪得你哋冇老公啦！」

你放心，本人已婚，多謝。同時個仔已經叫佢阿媽唔好嘈

😂：「你又知？而家係你個仔整到人，我又冇鬧佢，都唔知你嘈乜」
👩🏻：「你哋有老公就唔使喺度行啦！」
😂：「你都喺度行緊喎，你又冇老公呀？」
👩🏻：「你哋成班都冇老公！你哋成班都有問題！」
😂：「你個仔都識諗過你，好心啦，你點做人阿媽㗎，咁護個仔收佢入山洞丫嘛」
👩🏻：「我點做人阿媽關你咩事！我個仔唔使其他人教！你哋冇老公，所以成班喺度行xxxxxx」

之後個阿媽拉咗個仔去俾錢，直到我哋都行到去收銀，始見到個阿媽同職員投訴我哋恰佢個仔，而且指住我哋鬧。咁當時我哋都要俾錢，就行埋去

👩🏻：「呢三個人棟喺度！唔怪得你哋冇老公啦！三個人恰個八歲仔」
😂：「你冇老公丫嘛，得啦」
👩🏻：「我老公返緊工呀！」

最後我哋就走咗，再聽唔到個女人噏乜

講真，整個事情就真係好小事，簡單幫個仔講句「唔好意思」，我都已經冇嘢。同埋，我嗰兩個朋友明明一直都冇出聲，無啦啦都可以被佢鬧埋一份，重要不停被人話冇老公，明明其中一個朋友同我都已婚，完全不明所以

好心啦😂😂😂😂

讀者投稿@屯門遊客