#ParentLicenses2131

上星期同阿女等睇牙，當時我哋喺大堂等醫生

期間有個語帶口音嘅女人一直睇淘寶，完全冇理佢兩個女。佢兩個女周圍瞓長櫈，周圍搞事，亦有好多人望住佢兩個

未幾，其中一個女喺我哋前排反身向住我哋，佢喺佢自己件衫嗰度抆啲毛出嚟，再吹落我哋個身度，吹咗幾次

我終於忍唔住出聲鬧：「吹夠未呀？！」

個細路女隨即跑返去佢阿媽度。由於我同佢阿媽相隔唔遠，所以我睇住，亦聽到對話

陸媽：「咩事？」

細路女：「唔知呀，佢（指我）無端端就咁」

我：「無端端？我點解個個唔話，淨係話你一個呀？」

我再續：「無端端？！你知你自己做錯咩㗎，唔好講大話，你三番四次咁吹啲毛落嚟呀！」

陸媽：「叫咗你唔好周圍搞事㗎啦，而家俾人話啦！你自己唔管好你自己」

呢個大陸女人講埋一大堆廢話，內容完全只係話個女問題，而唔係自己冇管教，當然更加冇叫個女道歉

我：「你管返好你自己啲細路啦！」

陸媽：「嗱，係咪呢，而家我俾人話啦，唔係個個好似你阿媽咁好老脾㗎」

又嚟一大堆係個女錯，唔係自己嘅錯。如果唔係嗰下我個女喺度，我使忍你呢個大陸X！

讀者投稿@莎莉