#ParentLicenses2063

呢單嘢唔知關唔關生仔考牌事，但好想幫個妹妹呻下呢單嘢

當日係大年初四，下午三點半左右，事情發生喺林村許願樹

今年嘅許願寶碟係一個假橙同一張許願紙，然後喺另一個區域設有枱同筆俾你寫下願望

我其實就一直喺枱後面啲空位等緊我屋企人，無意中目擊一件事，而以下就係事發經過

👴🏼：西老父
👩🏽‍🦱：西老母
👧🏽：妹妹

有個👧🏽都企喺我前面張枱等咗一陣，之後咁啱見到有位，剛拎起支筆寫咗幾十秒左右，就嚟咗一家三口，係一對年過六十歲嘅夫妻，加一個目測三十幾以上的女兒

佢哋企咗喺👧🏽隔籬等，同時因為我企個位係好近張枱同埋對西老父，而西老母又好大聲講嘢，所以我被迫聽得好清楚，亦都引起咗我注意

👩🏽‍🦱：「呢支無墨呀，呢度又寫緊，呢個又寫極都寫唔完」
（👩🏽‍🦱手指指話個👧🏽）

👧🏽寫完一張，準備寫第二張，呢個妹妹其實只係企咗喺度分幾兩分鐘，而我見佢都心急，寫得快，反觀佢對面對情侶同隔籬嗰啲重企得耐過👧🏽

呢個時候，👩🏽‍🦱見到👧🏽放低支筆就即刻想搶，但👩🏽‍🦱估唔到原來👧🏽係準備寫第二張

👩🏽‍🦱：「下～你重未得呀？」
（語氣又閪又大聲）

👧🏽：「下，我都等咗好耐，我啱啱寫咗一陣咋～」
（👧🏽只有一個呆咗嘅反應）

👩🏽‍🦱：「哦～得得得」
（👩🏽‍🦱再閪聲）

呢個時候我其實都等完屋企人，可以行得，但實在忍唔住要繼續望下佢重會唔會蝦呢個妹妹，若果再嚟嘅話，我就會出聲

之後個西老父返到，就同個西老母扯貓尾

👴🏼：「重未有呀？嗰邊個個都寫完搞掂晒啦！」
（啲語氣又係閪到）

👩🏽‍🦱：「係呀，呢個重未寫完呀」

正當我已經忍唔住，想出聲之際，佢哋個女幫佢搵到位，大叫佢哋行咗去

呢對西老父西老母真心極品，平時一定係西客恰sales嘅人。新年流流，把口咁臭又無家教，重要欺善怕惡，成張枱有幾個人喺度寫緊，個妹妹一定唔係最早企喺度寫，你哋就剩係識恰個最細

其實你哋唔使許願啦，你哋心地咁差，格又衰，天有眼㗎

讀者投稿@抱不平