#ParentLicenses2062

於2023年1月25日約09:50，我由朗屏站乘搭一架往烏溪沙方向的第五卡近第一門前，有一名男童坐於車廂地上，當時的他並沒有影響到他人，故大家都無出聲

及後約09:55，列車到達元朗站。這車站相對地好多人上車，男童遂起身跑往黃色的扶手柱，途中撞到我嘅「小廢包」（即只裝到銀行卡、電話就完嗰啲款），不過就當我自己避唔開就算

當時男童都跑返到年約四十嘅女監護人度，我打算由佢，有成人在旁看管點都好啲

由元朗站到錦上路站，車程約十五至二十分鐘，男童折返門對出地面蹲坐。疑似男童姐姐於男童耳邊用中國方言（非普通話）溝通，男童當時有企立一段時間，約有一至兩分鐘。男童與女童分別於車門對出及黃柱底席地而坐

到錦上路站，男童再度折返回女監護人身邊，沿途撞到唔少乘客，當然首當其衝又再次撞到我

另外，男童亦撞到一名身穿米綠色外套嘅女士臀部，女士向後望而已，人類都係選擇咗逃避問題，只作沉默嘅大多數。直到荃灣西站，因為有人落車，騰空咗位置，綠衣女士已換邊依靠玻璃站立

當時我無出聲話佢哋，佢哋兩個依然故我跑嚟跑去，輪流用身體挨黃柱，咁我都算，無出聲。到荃灣西站，有一男兩女上車，男士往第五卡嘅第二度門企。女童仍然用身體挨在黃柱，兩名女士見到兩個兒童後，就企近第一門無出聲。男童又突然跑去女監護人，又再次撞到我同兩名女士嘅臀部

我嗰下有少少著咗，用好嚴肅嘅聲音對女童講：「請你唔好用身體挨條柱，可以用手捉，俾返其他人扶好」個女童返去女監護人身邊

女監護大聲講咗一輪嘢，我聽緊歌唔太肯定

直到女監護人用手指指向我，大大聲話：「你做咩大聲話我啲細路仔？！」

我放低耳機後回應佢：「你兩個小朋友行為上影響到人，而家我提醒佢哋」

女監護人提高八度，略帶大陸口音：「咁你都唔使咁大聲話我啲小朋友，佢哋重細，你要溫柔啲同佢講。重有，我個仔讀緊K3，個女琴日重發燒，而家好番」

我忍佢噏咗五分鐘左右，我再話：「小姐，你明知小朋友咁細唔舒服，重帶佢出街，重要跨區，係你唔負責任；重有，帶小朋友出街唔好好管好小朋友嘅行為，整到人，係你作為監護人嘅失職」

女監護人大大聲：「咁而家係咪佢哋踩到你？」

我秒回：「係，踩到我同埋撞到其他乘客」

女監護人：「咁我代佢哋講對唔住囉，但你唔應該咁大聲同我啲細路仔講嘢，會嚇親佢哋」

我覆：「既然咁，我搵警察幫手」

女監護人話：「好」

我手放去紅色掣（即是與車長對話嘅對講機），但同時有一名身型似魯芬，頭染金髮，帶黑色方框眼鏡嘅女士向我表示：「我唔使返工呀？」

我停一停，諗一諗。都啱，要一班剩係以「搵食大過一切」為目標嘅華人去認同呢個舉動係好難，所以我收手

女監護人當然繼續霸氣咁邊鬧邊搭車到南昌站；而我因為約咗人，我都要落車

我激動唔係因為小朋友有幾頑皮，而係家長/監護人/管養人對自己行為無動於衷同自私，即使小朋友唔舒服都要小朋友一齊去搭車，而並非在家休養。如果真係情非得已，一定去目的地，難道唔可以搭的士嘅咩？如果真係窮，點都好，都有小巴或者巴士搭有得坐

作為父母，佢哋真係好不負責任

讀者投稿@Zero