#ParentLicenses2017

放工搭巴士都係想休息下，大聲講嘢嘅人就係好乞人憎！

話說今日上車時車輛較滿，故坐上層車尾座位。巴士駛到太子站乘客變少，我就改坐車箱中間位置，當時車頭有兩母女喺度講嘢

本來個小朋友講完嘢就唔會再嘈，但佢阿媽不斷咁撩佢講嘢。個阿媽不斷問小朋友啲嘢係咩顏色，沿途經過見到咩建築物，小朋友就大聲答，聲浪係足以令坐中間嘅我都聽到佢哋講嘢內容就想像到有幾嘈

直到巴士駛到荔枝角，我終於忍唔住話佢阿媽：「識教咁多知識上嘅嘢，但就唔教個女要有公德心要安靜唔好騷擾人」

個阿媽全程扮聽唔到

直到有兩個中年阿叔幫口：「佢咁細個都唔包融佢？你細嗰唔係咁嘅？」甚至問候我阿媽唔識教女

我話佢哋好嘈，阿叔就話：「我唔覺喎，我覺得佢哋好天真爛漫，唔鍾意你可以落車！」

個阿媽知道有人撐佢就好大聲同個女講：「你冇錯，錯嘅係人哋，人哋未生過仔點會明？」

難道小朋友唔係由細就應該要教育對錯？家長連身教都做唔好，重要扭曲事實，相信只會育成另一個自以為中心嘅怪物。同埋點解要逼人哋鍾意你個女？ 大家都係比俾咁多車錢，點解要我忍你？

讀者投稿@寧